您的位置:主页 > U微生活 >劲震难miss callKlipsch R6颈挂蓝牙耳机 >

劲震难miss callKlipsch R6颈挂蓝牙耳机

作者: 2020-06-19 浏览: 172 次

劲震难miss callKlipsch R6颈挂蓝牙耳机

美国牌子Klipsch嘅耳机性价比向来唔错,近日佢哋跟大潮流推出第一对颈挂蓝牙耳机R6(同型号有对入耳,小心捞乱),内置「颈部震动功能」,震动幅度唔係讲笑,瞓着应该都畀佢震/嘈得醒,几难有机会miss call。

Klipsch R6设计基本同其他类似产品相近,以千五以上价位嚟讲算有诚意,颈枕部份以真皮车线包裹,电镀黑铬钢骨架几实净,相比一般胶架韧度较高,尝试稍微用力向外拉,发现佢都有些少弹性。可能因为钢架关係,拎上手好似比其他牌子重,但笠上颈唔太觉压颈,个人觉得可以接受。

操作方面,R6对应Android及iOS设备,左边只设一个按钮,负责开关同配对,LED指示灯、音量加减、播放/暂停/接听掣放晒右边,全部微微凸起,盲摸亦唔揿摸错。震动器内置于左边,熄机开机、有电话入嗰阵会震机,而且唔係微震,强度可比手机震机,差啲畀佢吓亲,接受唔到可以熄咗佢,都算人性化。cVc收音咪位于左边内侧。

嚟到音质,整体而言R6仍然係Klipsch一贯咁流行取向。试听ONE OK ROCK《Bedroom Warfare》、THE ORAL CIGARETTES《5150》呢类J-rock,低频量感充沛,鼓声实而有力,中频、人声等细节都对得起个价钱,跟住fing咪话唔爽。但就有过份压缩之嫌,加上高频偏生硬、颗粒感重,偶尔某啲位会刺耳(如铜管乐、钹声),听咗1个钟笔者对耳开始唔舒服,要除低抖吓。试听椎名林檎《青春的瞬间》更因而出现「收音机」音色,求其播啲欅坂46偶像女团歌又冇事,表现飘忽,想用佢杂食有啲难度。

劲震难miss callKlipsch R6颈挂蓝牙耳机
◆ Klipsch R6劲震难miss callKlipsch R6颈挂蓝牙耳机
◆ 电镀黑铬钢骨架劲震难miss callKlipsch R6颈挂蓝牙耳机
◆ 钢架未至于完全冇弹性,少许拉伸冇问题劲震难miss callKlipsch R6颈挂蓝牙耳机
◆ 颈枕表面係真皮,不过冇想像中软,几硬身吓劲震难miss callKlipsch R6颈挂蓝牙耳机
◆ 边缘位有品牌logo劲震难miss callKlipsch R6颈挂蓝牙耳机
◆ 左边单独一粒开关+配对掣劲震难miss callKlipsch R6颈挂蓝牙耳机
◆ 右边有音量、播放/暂停/接听几粒掣劲震难miss callKlipsch R6颈挂蓝牙耳机
◆ 震动功能开关劲震难miss callKlipsch R6颈挂蓝牙耳机
◆ 以microUSB充电,插口同咪一样喺左侧劲震难miss callKlipsch R6颈挂蓝牙耳机
◆ 跟机送3对普通耳胶、1对三节胶、充电线劲震难miss callKlipsch R6颈挂蓝牙耳机
◆ 包装盒

总结:

Klipsch R6做工扎实,有IPX4防溅规格,「强震」功能几特别,支援aptX、AAC技术,对椭圆形耳塞又几好戴,音质喺蓝牙耳机範围中合格,而且收音咪识降噪、播到18个钟喎,本应值得推介。只係细心一谂,万一听开啲歌唔夹佢,係咁出「收音机」声都几攞命,听男声pop/rock多可以一战。若果係笔者呢种杂食人士,建议慢慢试真至决定。


Klipsch R6颈挂式耳机规格:

单元:6.5mm双磁动圈

频率响应:10Hz-19kHz

降噪:-22dB

无线连接:蓝牙4.0、SBC、AAC、aptX

接收範围:最高10m

电池容量:220mAh

播放/通话时间:18小时

查询: TC Acoustic (电话: 3051 9105): http://www.tcacoustic.com.sg/

定价: $1,699

猜您还喜欢 猜您还喜欢